|
|
| Доделена награда за поезија на Ленче Клекачкоска |
|
На 28-ми ноември, во просториите од Македонското литературно друштво „Григор Прличев“ во Сиднеј се одржа пригодна свеченост на која и беше доделена награда на поетесата Ленче Клекачкоска од минатогодишниот наградниот конкурс за поезија и проза. На Ленче жирито и ја додели Втората Прличева награда за песната „Наташа“ – посветена на нејзината покојна внука. Поради обврски и поради оддалеченоста на живеење, Ленче не беше во можност да присуствува на званичното доделување на наградите, по тој повод и во присуство на повеќе членови и нејзини пријатели, претседателот на друштвото Душан Ристевски и ја предаде наградата. Ленче Целакоска Клекачкоска е родена на 2октомври 1964 година во село Мешеишта, Охридско. Во 1988 година се доселува во Сиднеј, Австралија. На 12 фебруари 1989 година склуши брак со Димче Клекачкоски од село Кривогаштани. Стихови пишува од најмлади години, а особено по зачленувањето во Литературното друштво „Григор Прличев“ во Сиднеј во 2000 година. Пишува носталгични и љубовни песни. Ленче со свои стихови е застапена во Зборникот со љубовна поезија „Коти на копнеж и страст“ кој друштвото го издаде на неговиот 25 годишен јубилеј во 2003 година. Да и посакаме успех на Ленче и во блиска иднина да не обрадува со повеке награди и со објавена своја збирка песни. Иван Трпоски
|
