Зубовце- 12 Февруар 2012

Кармелискиот манастир, се наоѓа над Елеонската Гора во Ерусалим.

Црквата се нарекува Елеонска и се наоѓа над пештерата, за која се верува дека повторно ќе  се случи вознесението.

На ова место, Исус за последен пат ги собрал своите апостоли и ги научил на Молитвата “Оче Наш“.

Во Кармелискиот манастир, кој се наоѓа над Елеонската Гора во Ерусалим, досега се поставени 161 плоча со текст на молитвата на различни јазици, а македонската е 155 по ред.

Молитвата “Оче Наш“ на Македонски јазик се наоѓа од десната страна на ѕидот, пред самиот влез во храмот. Со гордост и задоволство можам да кажам дека зазема почесно место и невозможно е, а да не се забележи тоа.

Оче наш

Оче наш, кој си на небесата,
да се свети името Твое,
да дојде царството Твое,
да биде волјата Твоја,
како на небото, така и на земјата;
лебот наш насушен дај ни го денес
и прости ни ги долговите наши
како и ние што им ги проштеваме на нашите должници;
и не нè воведувај во искушение,
но избави нè од лукавиот.

Амин!

Витлеем (Bethlehem) град на Западниот Брег, кој се наоѓа блиску до Ерусалим. Градот е познат бидејќи овде е родното место на Исус Христос. Поради тоа, во негова чест во градот е изградена базилика Рождество Христово.

Во Витлеем исто така е роден и Давид, поради што во Библијата градот многу често е нарекуван „градот на Давид'“.

Витлеем се наоѓа на околу 20 км од Ерусалим, на 765 m надморска височина, во градот живеат околу 20 000 жители.

Витлеем за прв пат се споменува во Библијата, во која пишува дека Јаков својата жена Рахела ја „покопал“ на патот кон реката Еуфрат, односно Витлеем.

Многу Христијани ја посетуваат црквата Рождество Христово.

Црквата се наоѓа на плоштадот Мангер, што во превод значи јасли.

Црквата е една од најстарите цркви и е сеуште во функција.

Таа се состои од два дела – базиликата Рождество Христово и црквата Св. Катрин.

Најважно од се е пештерата на Рождество Христово.

Таму се наоѓа сребрената ѕвезда и тоа место се смета за точното место на Рождество

Христово.

Фотографии од моето патување во Израел. Витлеем, ноември 2011