Среда, 08 Мај 2019   
СТИВ ПЉАКАС И НЕГОВАТА ПОСВЕТЕНОСТ НА МАКЕДОНИЈА (29)

stiv1

ЊУМАРКЕТ – МЕСТОТО НА ЖИВЕЕЊЕ И НА БИЗНИСОТ НА СЕМЕЈСТВОТО ПЉАКАС

Семејството на Стив Пљакас се пресели од Торонто во Њумаркет, град во регионот Јорк, во провинцијата Онтарија. Гратчето Њумаркет беше новo, но иднo место за Стив Пљакас и неговото семејство. Тоа е населено со околу 80.000 жители, каде што за 77% од населението англискиот е мајчин јазик, а потоа следат италијански, француски, руски, шпански и македонски јазик. Градот се наоѓа на реката Холанд и одамна оваа област е создадена како природен пат за патување помеѓу езерото Онтарио и езерото Симкое, на надморска височина од околу 250 метри

Според пишаните документи, во јуни 1800 година, Тимотеј Роџерс, квекер од Вирџинија, ја истражувал областа околу реката Холанд за да најде соодветна локација за нова квекерска населба. Дел од американските квекери биле заинтересирани да се преселат на север, вознемирени од насилствата што очекувале да се случат за време на Американската револуција. Роџерс, во 1801 година, се вратил заедно со уште неколку квекерски семејства кои ги напуштиле своите домови во Вермонт и дошле во новото место во Канада.

stiv2 

А потоа, до Божиќ 1801 година, Џозеф Хил изградил воденица на реката Холанд, преградувајќи ја реката за да направи воденички брзак, што сега е познат како Самовилско Езеро. Гратчето „Апр Јанг Стрит“ израснало околу воденицата, што објаснува зошто неговото првично централно градско подрачје се насочило кон реката Холанд, а не кон блискoто гратче Јанг Стрит. Хил, исто така, изградил и кожарница веднаш на север од воденицата, ја изградил и првата продавница и куќа, како и дополнителни мелници.

До 1802 година, бизнисменот Елисеј Беман почнал да основа бизниси и да купува земјиште во Њумаркет. Прва била една мелница, а наскоро потоа следеле и други бизниси. Градот продолжил да расте во текот на почетокот на XIX век, заедно со формирањето на малите населени места Аурора и Холанд Лендинг, додека пазарот што се наоѓал во сегашнотo централно подрачје на градот дал инспирација за името „Њумаркет“.

Армитиџ била првата населба на Кинг, именувана во чест на првиот доселеник Амос Армитиџ. Тој бил регрутиран од страна на Тимотеј Роџерс, лојалист од Вермонт, кој во 1801 година пропатувал низ Јанг Стрит и заклучил дека местото е привлечно и затоа аплицирал и добил заем да купи земјиште за вкупно 40 фарми, секоја од 0,8 км2.     

Куќата на Џон Богарт на авенијата „Лесли“ е најстариот станбен објект во Њу Маркет и најстара двокатна станбена зграда северно од Торонто. Била изградена во 1811 година и денес сè уште служи како куќа.

Во текот на поголемиот дел од XX век, Њумаркет се развил по оската исток-запад „Дејвис Драјв“, се ограничил на областа помеѓу Јанг Стрит на запад и помеѓу Бејвју и улицата „Лесли“ на исток, а се протегал од Дејвис на север до Самовилското Езеро на југ. До 1950 година, Њумаркет доживеал градежен бум поради неговата близина до Торонто. Населението се зголемило од 5.000 до 11.000 жители помеѓу 1950 и 1970 година.

До почетокот на 80-тите години на XX век, оригиналниот историски центар на градот претрпел бидејќи повеќето бизниси биле изградени во областа околу Апр Канада Мол, со дополнителни молови изградени директно преку крстосниците на југ и југоисток. Заедничкиот напор да се ревитализира историското централно подрачје во текот на доцните 80-ти години на XX век беше успешен.

stiv3

„Лилкрис индустри лимитид“ на Лили и Стив Пљакас

Голема инвестиција била направенa од страна на градот во 2004 година за подобрување на изгледот на улиците и за подобрувањето на инфраструктурата, со цел изградба на  патишта и тротоари во историскиот центар на градот. Историската област на „Главната Улица“ во центарот на градот повторно е голема централна точка на градот.      

Доаѓањето на автопатот 404 го сопрел ширењето на запад, свртувајќи го развојот повторно на исток и околу поранешнотo одвоенo селце Богартаун, кај пресекот на Мулок Драјв и улицата „Лесли“. Оттогаш, Њумаркет расте значително, ширејќи се во сите правци. Границите на градот сега се движaт од улицат „Батурст“ на запад, до автопат 404 на исток, и јужно од Грин Лејн до север на улицата „Свети Јован“, зафаќајќи го поранешното селце Армитиџ на Јанг Стрит, јужно од Мулок Драјв. Надворешната граница на градот се соединува со Аурора на југ.

Во Њумаркет се наоѓа и компанијата „Лилкрис индустри лимитед“, која работи уште од средината на 70-тите години на XX век. Стив Пљакас гордо истакнува дека оваа нивна компанија е прва во зоната на Њумаркет за индустриски лизинг. Со констатираната потреба за деловен простор за мали бизниси во градот Њумаркет, нејзините основачи продолжиле со купување на едeн акр земјиште во Твини Драјв и со изградба на првата зграда од 1.400 квадратни метри, со индустриски единици, секоја од околу 140 квадратни метри.

Очекувано, сите единици биле изнајмени додека сè уште биле во изградба. И уште едно земјиште било купенo и повеќе објекти биле изградени, бидејќи потребата за индустриски, комерцијалeн и деловен простор се зголемила во оваа просперитетна заедница.

stiv4

          Билбордот за „Македонската плаза“

Денес, компанијата „Лилкрис индустри лимитид“ има 6 недвижнини во Њумаркет, 4 во Орилиа и една во Гормли, со повеќе од 130 единици за задоволување на потребите кои се движат од мали единици за складирање, продавници на мало, дирекции за фирми до големи индустриски единици.

Стив Пљакас, исто така, вели дека тимот менаџери внатре во компанијата обезбедува поефикасна администрација и одржување. Со над 30 години искуство, тие нудат помош на потенцијалните станари во одредување на нивнитe просторни барања.

Продолжува

d5

Пишува: СЛАВЕ КАТИН

 

На прво место

News image

Заев се наоѓа на врвот од октоподот

Заев се наоѓа на врвот од октоподот

Историја

News image

Кичево, 116 години од битката на „Ѓурѓејца“, 4-ти август 1903 година

Кичево, 116 години од битката на „Ѓурѓејца“, 4-ти август 1903 година

Иселеници

News image

Академикот Ферид Мурад – американски нобеловец (10)

„МАКЕДОНСКИ ИСЕЛЕНИЧКИ МЕРИДИЈАНИ“ – САД

Култура и туризам

News image

Триумфални порти (арки) во Битола

Триумфални порти (арки) во БитолТриумфални порти (арки) во Битола

Фељтон

News image

ОД ПАНОНИЈА ДО ЕГЕЈ (22)

ПЛЕМИЊАТА  ЈОНЦИ И МИНОИ ОД МАЛА АЗИЈА

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.