КПГ ТРЕБА ДА ГИ ОТСТРАНИ СИТЕ ПРЕЧКИ КОИ ПРЕДИЗВИКУВААТ  НЕЗАДОВОЛСТВО И НЕГОДУВАЊЕ  КАЈ МАКЕДОНСКИОТ НАРОД

(30- 31 јануари 1949 година)

„Во Северна Грција македонскиот (словеномакедонскиот) народ даде се за борбата и се бори со невиден хероизам, самопожртвување што предизвикува восхит. Не треба да има никакво сомевање дека, како резултат на победата на ДАГ и народната револуција, македонскиот народ ќе дојде до скапоценото свое национално воспоставување, онака како што сака самиот тој, давајќи ја денес својата крв за негово остварување... КПГ треба радикално да ги отстрани сите пречки, да се спротивстави на сите великогрчки шовинистички постапки кои предизвикуваат незадоволство и негодување кај македонскиот народ… Словеномакедонскиот и грчкиот народ само обе-динети можат да победат... Затоа единството во борбата на двата народа треба да се чува како зеницата на окото и да се потпомага и зајакнува цврсто секој ден…”

КПГ и македонскотот национално прашање..., стр.437

ИЛИЈАС РУНИС, КОМАНДАНТ НА БРИГАДА НА ДАГ, ЗА ПОМОШТА ДОБИВАНА ОД ЈУГОСЛАВИЈА ПРЕКУ ПРЕСПА

VII пленум на ЦК КПГ (1957 година)

„Овде е речено и можеби ќе остави таков впечаток, тоа некако го рече Захаријадис, дека по обвинувањата против Тито во летото 1948 година Југословените не ни помагале. Тоа нешто, треба да знаеме дека не е точно, бидејќи јас бев тогаш, на 18 јули, на секторот Алевица каде што се водеа операциите кога беа затворени албанските граници, а токму тогаш непрекинато добивавме помош од Преспа од каде што доаѓаа натоварени југословенските камиони што се растовараа и материјалите се пренесуваа кај нас...”

Седми пленум на ЦК на КПГ (1957), Стенографски белешки, стр.758