Заев и СДСМ ја користат епидемијата со корона вирус да си делат милионски бизниси, концесии и да прават класичен изборен поткуп на гласачи. Заради нивното неодговорно однесување во Македонија имавме црн викенд а само вчера беа регистрирани нови 30 заболени и 3-ца починати. Со тоа Македонија ја надмина бројката од 100 жртви.

Во услови кога Франција и другите напредни земји бараат постигнување на политички консензус помеѓу политичките чинители и исполнување на здравствените критериуми за да одат на избори, СДСМ и по цена на животите на  граѓаните сака да оди на избори.

Не ви е вас приоритет здравјето на граѓаните, да ви беше немаше само да мислите како да “кркате” морски плодови и апетисани во ек на пандемија, туку ќе се погрижевте за медицинскиот персонал да има заштитна опрема, немаше цели 3 месеци во пандемија да најавувате респиратори кои сѐ уште не се пристигнати, немаше да вршите масовни партиски вработувања, ќе помогневте на стопанството и на фирмите за да не се случат масовни отпуштања.

Власта исклучително лошо ја менаџира епидемијата со корона вирусот. Венко Филипче наместо со здравјето на граѓаните се занимава со диктатите на Зоран Заев, на кој му се брза да го ублажи претстојниот пораз.

Иницијатива на ОМД Генерација М за битката против КОВИД-19 – Можеме #ЗаедноОдДома