Свекрва

Во отворено писмо „Обвинувам“ објавено на 13 јануари 1898 година во весникот L'Aurore. францускиот писател Емил Зола го обвини францускиот претседател Феликс Фор и француската влада за антисемитизам и за неправедно притварање на Алфред Драјфус, офицер на француската армија со еврејско потекло, кој бил осуден на доживотна казна затвор наводно поради шпиунажа во корист на Германија. Писмото било отпечатено на насловната страна на весникот и предизвикало јавна реакција во земјата и странство. Набрзо потоа, на 23 февруари 1898 година, Зола бил обвинет и осуден за клевета на една година затвор. За да избегне затварање Зола пребегнал во Англија, а се вратил година дена потоа.

Драјфус бил невин и врз основа на измислени докази, воениот суд го прогласил за виновен и го затвориле на „Ѓаволскиот остров“ близу Француска Гвајана, во Јужна Америка. Во 1899 година Драјфус се вратил во Франција каде повторно му било судено. Бил пак прогласен за виновен, но бил помилуван. Ова се случува во време кога во Франција владее силен антисемитизам.

По повеќе од сто години од овој настан.

Македонската држава од своето осамостојување во 1991 до денес е изложена на силен антимакедонизам, како од надвор, така и од внатре.

По негирањето од страна на нашите соседи за постоење на македонски народ, јазик, историја и култура и попречувањето на евроантланските интеграции на земјата, надворешнит фактор во земјата ги доведе на власт антимакедонисти кои потоа го продадоа името, а сега се спремаат да ја продадат историјата, јазикот, култирата и традицијата. Секој кој во меѓувреме им се спротивстави беше изложен на прогон, а некои како македонските уставобранители поради инцидентот во Собранието од 27 април 2017 година беа обвинети за „тероризам“ и осудени на вкупна 211 години казна затвор.

Уставобранителите денес гнијат во затвор, поради погрешно толкување на правдата, а оние кои ги наместија и осудија, пред да ја направат последната трговија со националните интереси си подготвуваат повлекување од пилитикатан и поднесуваат оставки. Тие се свесни дека ако се воспотави правната држава ним не им гине затвор, зошто обвинувањата изнесени од македонскиот народ и интелектуалците се тешки.

Така, слично како и пред 123 години, во колумна објавена на 10 декември 2021 година во весникот „Нова Македонија“ под истиот наслов „J’accuse!“ (Обвинувам), Љупчо Коцарев, претседателот на МАНУ ја обвини власта во земјата „за велепредавство, за изневерување на македонските принципи за плиткост, за неукост, за кусогледост, за самоукинување, за немање визија, за властољубие, за користољубие, за неправда, за немање осет за геополитичка стратегија, за работење против државните интереси.“ Исто така тој обвини за „распаѓање на Македонија по сите основи, по сите шафови“, како и за „поробена Македонија, демакедонизирана Македонија, за тоа што ја предадоа Македонија, онака доброволно, за ќеф, за грст долари...“.

Ова е жестоко обвинување упатено до корумпираната власт за пркршување на Уставот и Законите, како и на судството за монтиранте судски процеси. Ова обвинување има за цел да ја мобилизира јавноста за да се избори за предвремени избори, за да се воспостави правна држава, која ќе ја спречи понатамошната распродажбата на националните имтереси и да се воспостави судство кое нема да ја крши законитоста, судство во која вистинските виновци ќе лежат во занданите на „Ѓаволскиот остров“, а не уставобранителите, патриоти кои си ја сакаат својата држава.

Европа покажа дека без разлика што и да направиме таа не не' сака во нејзино друштво сега за сега.

Доста со антимакедонизмот доста со кршење на Уставот и законите, доста со корупцијата и вратете се на корените и аманетот на македонските револуционери, борци за суверена и независна македонска држава, чувајте ја државата како зеницата на очите.