Свекрва 

СДС во иднина ќе им го препуштат и 23 октомври на Бугарија

Македонската револуционерна борба не е завршена!

На 23 октомври се празнува Денот на македонската револуционерна борба. Тој е државен празник кој се празнува по повод основањето на Македонската револуционерна организација во Солун. На тој ден во 1893 година во Солун, во куќата на солунскиот книжар Иван Хаџи Николов, во конспирација шестмина млади Македонците ги постават основите на борбата на македонскиот народ за слобода. Основоположници на Македонскиот револуционерен комитет биле: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев.      

Формирањето на Македонската револуционерна организација бил почеток на организираната борба на македонскиот народ за формирање на македонска држава. Македонскиот народ без помош од надвор, преку Илинден 1903 кога е формирана Крушевската република и потоа преку АСНОМ  1944 година создаде современа македонска држава и повеќе од четири децении егзистирапе во југословенската федерација. На 8 септември 1991 година, македонскиот народ  го поврати својот суверенитет, продолжувајќи самостојно на патот на евроинтеграциите.  

Иако, 23 октомври - Денот на македонската револуционерна борба, кој се слави од 2007 година, го симболизира континуитетот на македонската борба за независност, социјалдемократите беа против истиот да се слави како државен празник, бидејќи тој се поврзува со ВМРО-ДПМНЕ како наследничка на Македонската револуционерна организација ВМРО. 

Но, не само што социјалдемократите имаат против славењето на овој датум како државен празник, тие по доаѓањето на власт по парламентарните избори кон крајот на 2016 година, буквално ги распродаваат националните интерси. Сите потребни атрибути кои ја сочинуваа македонската држава тие ги уништуваат наводно поради евроатланските интеграции.

Под притидок на Грција, СДС го смени името на државата во 2018 година, иако на референдумот одржан на 30 септември истата година не добија согласност од македонскиот народ. Сега на Бугарите им ја распродаваат историјата и македонските дејци како на пример Гоце Делчев, апостолот на македонската револуционерна борба. 

Како што тргнале, социјалдемократите во иднина ќе им го препуштат и 23 октомври - Денот на македонската револуционерна борба на Бугарите, со оглед дека по распродажбата на историјата нема да има што да се слави и поради тоа што многумина од нив сметаат дека тоа е празник во служба на големобугарската идеја. 

Поради се ова што се случува борбата на македонскиот народ за место под европското сонце  никогаш не престанала. Таа продолжува и денес во 21 век, кога се навршуваат 129 години од формирањето на Македонската револуционерна организација. Денес македонскиот народ се бори да го сочува своето име, својот идентитет и јазик, а со тоа и македонската држава.

Ако борбата за создавње на независна македонска држава во 19 век ја започна Македонската револуционерна организација, денес борбата за зачувување на македонста држава ја продолжува ВМРО-ДПМНЕ зад кој стојат најголемиот број на македонски интелектуалци,  мнозинството од македонскиот народ, како и останатите заедници во земјата.

Македонската револуционерна борба не е завршена.