|
||||
| Светислав Васев : ВМРО-ДПМНЕ е крајниот гарант и браната за македонизмот и Македонија |
 Светислав Васев : Откако го објавија Протоколот е сосема јасно зошто го криеја.
Македонија е поразена, а Ковачевски и Османи не ставиле во подредена положба во однос на Бугарија.
Проблемот кој Бугарија го имала со нас, сега треба да биде проблем кој ЕУ го има со нас.
Од хаосот не дели само еден чекор, а тоа е промена на Устав. Која не смее да им помине.
Што содржи и што кажува Протоколот:
1. Само Македонија има обврски по основ на Протоколот.
Пример: Од учебниците во 7 одделение бришеме делови кои индицираат на неосновани територијални претензии кон Бугарија. И се обврзуваме и други такви делови во учебници каде според Бугарија имаме неосновани територијални претензии да ги избришеме.
Оттука се поставува прашањето, дали територијалните претензии кои Бугарија ги има кон Македонија и ги имала во минатото се основани, и не треба да бидат избришани од нивните учебници.
Дали со ова окупацијата за време на Балканските војни, Првата и Втората Светска војна не е окупација, туку администрација?
А тоа што се нотира дека во Пиринска Македонија има Македонци е територијална претензија.
2. Нема почеток на преговори без промена на Устав.
3. Историската Комисија е органот преку кој од година во година ќе се бугаризира државата. Ќе ги прифатиме сите бугарски тези. И во ЕУ ќе влеземе само кога ќе прифатиме дека до 1944 година Македонија била бугарска, а потоа следи период на комунистичка репресија која ги има угнетено бугарите. А оттука поминуваме на точка 4.
4. Идентитетот ни е оспорен. Крајните цели на Историската Комисија се да прифатиме дека сме составен дел од бугарската нација, а како пособен ентитет се остваруваме по 1944 година, и притисокот на Комунистите.
5. Јазикот ни е оспорен, а тука важат истите тези од точка 4.
* Овој протокол и заклучоците кои ги изгласаа во собрание се обична хартија, ако не се смени Уставот.
Затоа ВМРО-ДПМНЕ е крајниот гарант и браната за македонизмот и Македонија.
Затоа и референдумот е единствено решение.
Народот ќе каже не за бугаризација.
|
