Информацијата за содржината на предлог-преговарачката рамка која е контраверзна и недостоинствена за Република Македонија овие денови влегува во собраниска процедура. Сакам на почетокот јасно да подвлечам дека независно што ќе се расправа во Собранието, за нејзиното прифаќање пресудно беше влијанието на Владата на СДСМ и ДУИ која игнорирајќи ја волјата на огромното мнозинство граѓани, на сила сака да протурка процедура која е во целосна спротивност со државните и национални интереси, изјави лидерот на ВМРО-ДПМНЕ во неговото видео обраќање.

ВМРО-ДПМНЕ : Народот во Македонија со денови масовно и достоинствено вели Ултиматум, НЕ благодарам. Оваа порака СДСМ не сака да ја види, туку свесно оди спротивно на волјата на граѓаните, но не само тоа, туку сопствениот народ го прогласува за антиевропски. Тоа е бесрамно. Секогаш кога СДСМ ги гази националните и државните интереси, го обвинува народот или политичките конкуренти за антиевропски. Ова е доказ дека во СДСМ расте нервозата?

ВМРО-ДПМНЕ :  Колку Владата повеќе го игнорира народот, толку протестите се помасовни–затоа и денес во 19 часот граѓаните ќе и речат Ултиматум, Не благодарам

Народот недвосмислено, масовно и достоинствено кажува НЕ на ултиматумот и уцените содржани во pредлогот, кој владата на Ковачевски е спремна да го прифати и на тој начин да дозволи бугаризација на Македонија.