Понеделник, 26 Јули 2021    Печати
Мицкоски: Од сите нас зависи каков однос ќе имаме и каква иднина ќе им оставиме на нашите деца

Мицкоски: Од сите нас зависи каков однос ќе имаме и каква иднина ќе им оставиме на нашите деца

Лидерот на ВМРО-ДПМНЕ, Христијан Мицкоски, во чест на Крсте Петков Мисирков, кој починал на денешен ден во 1926 година, се повика на една парола на Мисирков, која има огромно значение и актуелност во денешно време.

“Велам, за среќа, има македонска национална култура и историја, зашто тој факт го вооружува македонскиот народ со непобедливо оружје во неговата борба за човечки права и за слободен национален живот како рамноправен член во бројот на културните народи.” велеше Крсте Петков Мисирков чиј живот згасна на денешен ден во 1926та година.

Оваа негова изјава е актуелна и денес. Мисирков ни остави значајно оружје во културното опстојување на нашиот народ, земја и јазик. Од сите нас зависи каков однос ќе имаме спрема грамадните дела на нашите предци и каква иднина ќе им оставиме на нашите деца, напиша Мицкоски на својот фејсбук профил.