 МИЗРАХИ: Не постои стара и нова табла, една е – на Република Македонија и е наследена од Царовска
Министерката за труд и социјална политика Рашела Мизрахи денеска изјави дека таблата поставена пред Министерството е наследена. Како што појасни, не постои стара и нова, постои само една табла.
-Јас не ја игнорирам реалноста, но нема да дозволам создавање на нова реалност. Демократско право, но и морална обврска на секој граѓанин е кога ќе види неправда и да реагира по истата. Таблата е наследена и не постои стара и нова табла. Постои само една табла во Министерството за труд и социјална политика, рече Мизрахи денеска во Крушево.
Министерката додаде оти треба да и заблагодари на вицепремиерката за економски прашања Мила Царовска, „заради тоа што не ја сменила таблата и со тоа, според Мизрахи, длабоко во себе препознала дека ова е Република Македонија и ова е македонски народ“.
https://denesen.mk/mizrahi-ne-postoi-stara-i-nova-tabla-edna-e-na-republika-makedonija-i-e-nasledena-od-carovska/
|
