Среда, 11 Март 2020    PDF Печати Е-пошта
Симеон Молеров

1a1Симеон Молеров

Симеон Вишанов Молеров (15. II 1875 – 7. V 1923) е македонски револуционер, деец на Макеонската револуционерна организација (МРО). Тој учествувал во Мелничкото востание (1895), потоа во запленувањето на мис Елен Стоун (1901), како и во Илинденското востание (1903), кога бил член на Востаничкиот штаб во Разлошко. По востанието бил избран за радовишки околиски војвода (1904–1906), потоа и за скопски војвода (1906 –1908). Исто така, учествувал во Балканските (1912 - 1913) и во Првата светска војна (1914 - 1918).

Симеон Молеров е роден на 15 февруари 1875 година во селото Банско, Пиринскиот дел на Македонија. Тој е внук на живописецот Симеон Димитров Молеров од големото семејство Молерови. Завршил класно училиште во родниот град и работел како чевлар во Софија. Потоа се пријавил во армијата и завршил ветеринарно училиште во Софија.

Симеон Молеров учествувал во Мелничкото востание во 1895 година. Во 1896 година тој се вратил во родниот крај и Гоце Делчев го привлекол да стане член на месниот комитет на МРО и војвода на реонската чета. По неговото пристапување на Организацијата, Молеров ја проширил револуционерната мрежа во Разлог и организирал канал за пренесување на оружјето во Серско и Солун.

Во 1901 година Симеон Молеров учествувал во аферата Мис Стоун, а веќе следната година бил избран за Кочански војвода. На почетокот негови четници биле Димитар Грчев од Порој,  Крсто од Скопје, Диме Апостолов од Кавадарци, Богдан Шејнов од Свети Никола, Васил Талев од Белушино, Георги Костадинов од Мусомишта, Крум Џеров од Охрид, Коста Андонов од Брезово, Мијал Стојчев од Брезово и Селен од Прибогово.

Во летото 1903 година Симеон Молеров бил делегат од Разлог на Серскиот револуционерен округ и бил избран за член на окружното раководно тело. Во Илинденското востание учествувал во Востаничкиот штаб во Разлошко, а по востанието бил избран за радовишки околиски војвода (1904–1906), потоа и за скопски војвода (1906 –1908).

По Младотурската револуција во 1908 година, тој се легализирал и се вратил во родното село и станал претседател на месното читалиште. Но на крајот на 1909 година Симеон Молеров бил уапсен и затворен во Мала Азија. Меѓутоа, на патот кон Солун, тој избегал и се населил во Софија, каде работел како ветеринарен техничар.

Симеон Молеров учествувал во Балканските војни (1912 - 1913) и во Првата светска војна (1914 - 1918). За време на Балканските војни бил војвода на партизанска чета бр. 38 на Македонско-одринското ополчение, која дејствувала во Струмичко во тилот на отоманската војска, а подоцна служел во 15-тата штипска дружина.

По војните Симеон Молеров се вратил во Банско и станал член на партијата Бугарскиот народен земјоделски сојуз (БЗНС) и раководител на месната организација на сојузот. Од 1919 до 1921 година бил кмет (градоначалник) на Банско. Тој беше убиен во мај 1923 година од страна на лица на Внатрешната македонска револуционерна организација, која дојде во судир со БЗНС.

 

Историја

News image

Како братот на Манданата, Мито, бил избркан од Бугарите во 1941

Како братот на Манданата, Мито, бил избркан од Бугарите во 1941: Што си дошол, ти си се борел за М...

Иселеници

News image

Одржана свечената Академија за Браќата Свети Кирил и Методи во Сиднеј

Одржана свечената Академија за Браќата Свети Кирил и Метод...

Култура и туризам

News image

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ.

Фељтон

News image

БАЛКАНОТ И МАКЕДОНИЈА (22)

ФЛЕГИЈЦИТЕ НА БЕОТИЈА И НА ТЕСАЛИЈА – ДЕЛ II

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.