Среда, 15 Мај 2019    PDF Печати Е-пошта
Љупчо Арсов

Ljupco ArsovЉупчо Арсов

Љупчо Арсов (19. V 1910 - 18. XI 1986) е македонски комунистички деец, учесник во Народноодлободителната војна, организатор на НОАВМ, политичар и државник. На Првото заседание на АСНОМ бил избран за секретар на Президиумот на АСНОМ. По Ослободувањето Љупчо Арсов познат под псевд. Гоце, бил на поцеќе функции меѓу кои потпретседател и министер за финансии во првата Влада на ДФМ (16. IV 1945), министер за труд во Сојузната влада (јануари 1948 - декември 1953), претседател на Извршниот совет на Собранието на Македонија (19. XII 1953 - 25. VI 1963) и др. Од 1979 до 1982 година беше претседател на Претседателството на СРМ.

Љупчо Арсов е роден на 19 мај во Штип. Основно образование завршил во родниот град, а потоа заминал за Загреб, каде што се образувал на Високата комерцијслно - економска школа. По звршувањето на економската школа во 1932 година, заминал за Белград каде се вработил како службеник во Хипотекарната банка. Потоа службено бил префрлен во Ваљево.

Уште додека студирал во Загреб, Љупчо Арсов се приклучил на младинското револуционерно движење, а во јуни 1940 година станал член на КПЈ. По доаѓањето во Ваљево станал инструктор на КПЈ во Месниот комитет, а во 1941 година член на Реонскиот комитет на КПЈ во Белград.

По окупацијата на Кралството Југославија, Арсов се вратил во родниот град Штип и се вклучил во работата на партиската организација. Тој веднаш почнал да работи на подготовките за вооружена борба.

Љупчо Арсов бил член на МК на КПЈ во Штип од јуни до октомври 1941 година, а потоа член на МК на КПЈ во Битола. Во Битола работел на подготовките за формирање на партизански одред, На почетокот на 1942 година, бугарската полиција го уапсила, но, поради недостаток на докази го ослободила.

Од април 1942 година, Арсов станал член на Привремениот ПК на КПЈ за Македонија и член на ГШ на НОВ и ПОМ. Меѓутоа, кога заминал на состанок во Прилеп, полицијата на 23 јуни ја опколиле куќата каде се оддржувал состанокот, Арсов за време на бегството ја скршил ногата и бил уапсен од бугарската полиција. После четири месеци испитување и мачење, Арсов бил интерниран во Бугарија.

По враќањето во март 1943 година, Арсов бил партиски секретар на Четвртиот областен комитет на КПМ од 27-ми до 17 август и политички комесар на Штабот на Петтата оперативна зона на НОВ и ПОМ од 27-ми до 17 август 1943 година. Во овој период заминал за Скопска Црна Гора и во околината на Врање. Тој на 1 декември 1943 година го формирал партизанскиот баталјон „Орце Николов“. На теренот раководел со партизанските акции се додека не бил повикан во Скопје. Потоа Арсов бил назначен за партиски секретар на Петтиот областен комитет на КПМ и инструктор на ЦК на КПМ. На оваа место бил од мај до август 1944 година, кога бил кооптиран и за член на ЦК на КПМ.

Арсов бил пратеник на Второто заседание на АВНОЈ и член на Главниот штаб на НОВ и ПО на Македонија. На Првото заседание на АСНОМ, одржано на 2 август 1944 година во манастирот Прохор Пчински, тој бил избран за секретар на Президиумот на АСНОМ.

По Ослободувањето, Љупчо Арсов извршувал разни одговорни функции. Тој бил член на Политбирото и на Извршниот комитет на ЦК на КПМ, член на ЦК на СКЈ, потпретседател и министер за финансии во првата Влада на ДФМ (16. IV 1945), министер за труд во Сојузната влада (јануари 1948 - декември 1953), претседател на Извршниот совет на Собранието на Македонија (19. XII 1953 - 25. VI 1963), член на СИС (1960-62), претседател на Народното собрание на Македонија (1962-63), претседател на РК на ССРНМ и на Извршниот совет на Македонија (1963-67), претседател на Соборот на народите на Сообранието на СФРЈ (1967-69), потпретседател на ЦК на ССРНЈ (1967-71), член (1974-79) и претседател на Претседателството на СРМ (октомври 1979-82).

За своите заслуги, Арсов бил одликуван повеќе пати. Тој бил носител е на Партизанска споменица 1941, Орден народен херој на Југославија (1953), Орден јунак на социјалистичкиот труд и др.

Љупчо Арсов почина на 18 ноември 1986 година во Скопје.

 

На прво место

News image

Заев притиска за избори на кои наместо гласови ќе броиме починати и заразени

Додека Македонија ги брои новозаразените и починатите, наши сограѓани со име и презиме со семејс...

Историја

News image

Како братот на Манданата, Мито, бил избркан од Бугарите во 1941

Како братот на Манданата, Мито, бил избркан од Бугарите во 1941: Што си дошол, ти си се борел за М...

Иселеници

News image

Одржана свечената Академија за Браќата Свети Кирил и Методи во Сиднеј

Одржана свечената Академија за Браќата Свети Кирил и Метод...

Култура и туризам

News image

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ.

Фељтон

News image

БАЛКАНОТ И МАКЕДОНИЈА (22)

ФЛЕГИЈЦИТЕ НА БЕОТИЈА И НА ТЕСАЛИЈА – ДЕЛ II

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.