Овде дворови – Лазаре – се изметени,

Овде дворови – Лазаре – се исчистени...

                    Рака за рака фатени,

                    Грла со грла сплотени,

                    Празнична песна распеани –

                    На Лазаров ден,

                    На Лазара.

Имат мајка, Лазаре, мила ќерака,

Таа мислит, Лазаре, да ја омажит...

                   Ѕвек на ѓердани сребрени,

                   Сјај од носии шарени,

                   Во двориште, како гулабици распеани –

                   На Лазаров ден,

                   На Лазара.

И в горина, Лазаре, да си дочекаш,

Со си фамилијата, Лазаре, што ја имаш...

                 Румени лица момински,

                 Како синџир врзани,

                 Од куќа в куќа разиграни

                 И Лазарска песна распеани –

                 На Лазаров ден,

                 На Лазара.