|
|
| Грција е свесна дека можеме да ја победиме со историјата |
 Aлександар Македонски Македонија е свето име. Тоа е нешто повеќе од обичен географски поим, повеќе од топоним, повисоко од држава, посилно од национална свест и идентитет. Сквернавењето на македонството е грев, чин против Бога, узурпација и фалсификат на Светото писмо. Македонија е највозвишеното парче на Балканот, најлегендарното име од светската историја. Затоа денес со полно право стоиме во неговата одбрана, го чуваме од злобните сили кои со векови се борат да го растргнат и да го фрлат на буништето на заборавот. Неговото постоење и наше право не само на коистење, туку и на живеење, е дел од нашиот дух, нашата вера, нашата мисија пред Господ Бог. Помина времето во кое се молчеше, периодот во кој заради голата егзистенција самите го искривоколчувавме нашиот корен. Секој Македонец по род е должен барем збор, барем реченица да каже во одбрана на она што навистина е. Не плашете се, не бојте се. Не се проклетите грчки пари со кои сакаат да не разнишаат повредни од крвта во нашите жили, не се пасошите од истокот достојни да се споменуваат, кога се своевиден чин на понижување и предавство на дедовиот аманет. Нештата конечно треба да се кажат со вистинскиот збор, без двоумење, без страв дека ќе навредиме или понижиме некого. Душманите и одродниците треба да го почувствуваат столбот на срамот, јавно и безобразно. Историјата не е само минато, не се само куп хартија со која ќе ги учиме новите генерации што се случувало во периодот што е зад нас. Историјата е мајка на иднината, основа на постоењето, тло на кое може цврсто да се гази. За Македонија е важна иднината, развојот и просперитетот, но важно е и древното минато. Повиците на Папандреу, Друцас и останатата грчка свита, да се откажеме од нашата историја и да се свртиме кон иднината, доколку сакаме вистински живот е повеќе од уцена. Не. Грција е свесна дека можеме да ја победиме со историјата. Ако е Атина во право за она што го зборува околу нашето потекло, зошто тогаш се плаши од историските факти ? Зошто свесно ги крие показателите кои се однесуваат на македонството? Ги крие затоа што не одат во нејзин прилог. А, фактите се безбројни, аргументите не се добројуваат. Грција има славно минато. Тоа е точно. Грците се навистина древен народ. И тоа е точно. Но, само од Солун надолу, само под македонската територија, во карпите околу и под Атина. Докажано е и покажано е до каде од секогаш била грчката држава, што приграбила, што асимилирала и дискриминирала, што уништила. Нема многу позитивни белези во историското и во денешното општење на Грците. Едноставно, таму демократијата е само теорија, цивилизациското живеење е обична утопија. Чудно е само како една таква недемократска држава можела да стане член на највлијателните светски институции, НАТО и ЕУ. Доколку денес Грција, со такво општествено однесување би се борела како кандидат за влез во овие установи, веројатно дека би била во ситуација да не може да потпише ниту договор за Стабилизација и асоцијација, а не пак нешто повеќе. “Грција е обврзана да ја нарекува Македонија со уставното име и покрај договорот од 1995 година помеѓу двете држави. Македонија со потпишувањето на таа привремена спогодба, во која се согласила дека ќе преговара за името, се откажала од правото да бара од Грција да го прифати името врз основа на обичајното право, но тоа не било по нејзина волја. Сепак, според народното обичајно право, Грција има обврска наскоро да го прифати уставното име, зашто таа со својата политика доведе до таква ситуација во која Мкаедонија беше вовлечена во преговори за името. Од меѓународен аспект позициите на Грција не се разбирливи, бидејќи треба да докаже дека Македонија специјално е наречена под тоа име само за да и наштети на Грција. Според мене, тоа не е случај. Ознаката Македонија за словенскиот народ, таму е прашање на идентитетот. Тие се чувствуваат како Македонци и затоа се нарекуваат Македонци, а не за да и наштетат на Грција. Во историјата досега имало само еден случај да не биде прифатено име на држава, а тоа е случајот од 1918 година со името Германо-Австрија, поради јасни територијални претензии кон Чехословачка”. |
