|
|
| Пејсаж на зајдисонце за Грција |
 Тихомир Каранфилов Византискиот автор Ефрем, во својата хроника напишана на почетокот на XIV век (1313), за заземањето на Солун од страна на Норманите, за време на владеењето на Андроник I Комнен, ќе напише: “Леле, леле, заземен е оној град Солун, велам, метрополата на Македонците”. Токму така, низ вековите Солун отсекогаш важел за главен град на Македонците. Бројни се примери во историските документи каде Солун се спомнува како прв град на Македонија. Ваквата улога ја имал се до 1913 година кога по Букурешкиот договор со вештачки наметнати граници бил одвоен од останатиот дел на Македонија и неприродно припоен кон Грција. Како доказ можат да послужат многуте географски карти на кои е се прикажува целовитоста на Македонија, низ вековите. Во денешно време кога точно се знае каде територијално припаѓа градот Солун, намерно или не во рамките на спорот околу името Македонија, не ретко може да се случи да биде сместен онаму каде од секогаш припаѓал, односно во Македонија.. Овие денови во текстот за Македонија, објавен на сајтот на американскиот медиум Bussinesweek, авторот за да ја престави нашата земја, одбрал фотографија на која се наоѓа знаменитост од Солун. Иако содржината на текстот зборува за Македонија, која е на 21 место од 25 земји кои имаат значително намалување на популацијата, и воопшто не е провокативна, кај интернет-корисниците на нашиот јужен сосед предизвика вистински револт и закани од протести доколку не се промени сликата. Набргу под притисок на грчката јавност, по една вистинска интернет-војна, фотографијата од Солунскиот споменик Камара, беше сменета и наместо неа се постави фотографија со пејсаж на зајдисонце, со напомена дека е направена промена. Брзата промена беше прокоментирана како попуштање на Bussinesweek и успех на грчката пропаганда која има големо влијание врз американските медиуми. Ваквото хистерично однесување на грчката јавност, кога е во прашање името на Македонија, не преставува ништо ново и не може некого да изненади. Вест како вест, која нема да привлече некое поголемо внимание во македонската јавност. Сепак доколку внимателно се проследи текстот, веќе се појавуваат интересни моменти. За фотографијата, како првата така и втората можеме само да погодуваме дека биле случајно одбрани.. Но доколку оваа информација се надополни со изјавата на поранешниот министер за внатрешни работи на Грција, дека Караманлис е жртва на ветото во Букурешт, односно дека Американците го казнија за одлуката да ја блокира Македонија да стане полноправна членка на НАТО, можат да не заинтригираат. Се наметнува прашањето, зошто само кратко време по оваа интернет војна, Прокопис Павлополус, ја дава оваа изјава во интервјуто за грчкиот весник Real news каде вели: “Секако дека го плативме ветото од Букурешт, затоа што не е можно да остане неказнет срамот што му го нанесовме на Буш.... по Букурешт, владата на Караманлис се соочи со една поинаква клима, во која ниту скандалите, ниту економијата беше причина за падот на Караманлис и неговата влада, туку прекуокеанските сојузници го остраниле поради неговите патриотски одлуки.” Повеќе од очигледно е дека постои оправдан страв кај Грците, дека срамот што и го нанеле на американската администрација, нема да остани неказнето и дека се завршило со падот на поранешниот премиер Костас Караманлис и неговата Влада. Поранешниот министер за внатрешни работи не е наивен и не случајно излегува со ваква изјава во овој момент, со која како да сака да ја предупреди грчката јавност за новите искушенија кои треба да ги очекува грчкиот народ. Ако податоците кои ги дава авторот на текстот, објавен на американскиот сајт, како што наведува потекнуваат од ЦИА, нормално е Павлополус да биде загрижен. Пораките кои произлегуваат од текстот и објавените слики, мораат да се сфатат сериозно, иако можат и да бидат чиста коинциденција. Но во услови на забрзана тајна дипломатска кампања за решавање на името и деблокирање на процесот за влез на Македонија во НАТО, ваквиот напис може да биде притисок врз Грција да престане со нејзиниот национализам и шовинизам. Доколку малку обрнеме внимание на фотографиите тие можат за Грците да значат, или попуштете, и не го блокирајте процесот на интеграција на Македонија во ЕУ и НАТО, или пак ќе имате зајдисонце на Грчката држава, а Солун ќе стане повторна главна метропола не само на Македонците туку на целиот Балкан. Сериозноста на ваквото предупредување е голема, посебно ако се има фактот со каква економска криза се соочува нашиот јужен сосед, и кога разликите и конфронтациите помеѓу вообичаениот богати север(Солун) и сиромашниот југ(Атина) на Грција се заоструваат. Но не и само помеѓу нив, туку се погласни и понезадоволни почнаа да се јавуваат и островјаните. Оваа анализа може и немора да биде точна, ова е само едно видување, или се случува нешто? Американците го сместија Солун во Македонија, Грците збеснаа |
