Среда, 01 Декември 2021   
Свекрва : Зоран Заев секој ден бара начин како да ја задржи премиерската фотеља по најавената оставка

1 Свекрв

Злото мора да се победи за да државата не доживее некоја нова поголема катастрофа

Зоран Заев секој ден бара начин како да ја задржи премиерската фотеља по најавената оставка. По притисоците од коалициониот партнер ДУИ за да ја задржо премиерската позиција, наводно за да не се загрозат евроинтеграциските процеси, сега Заев вели дека ќе ја активира оставката откако ќе види како ќе одат преговорите со Алтернатива и со Бугарија. Меѓутоа ако се има предвид фактот дека Софија нема намера да ги смени позициите кон Македонија, која е причината по секоја цена Заев да остане на власт?

По поразот на Локалните избори лидерот на СДСМ Зоран Заев најави оставка на позицијата премиер на државата и лидер на партијата СДС. Веднаш потоа се огласи лидерот на ДУИ Али Ахмети кој рече дека „Заев имал договор со коалициските партнери, дека тој имал договор со него и дека ако го изгубил Скопје не смее да даде оставка, бидејќи државата има сериозни предизвици“. Односно дека имало сериозни проект кои си ги ветиле.

На ова изјава на Ахмети подоцна се надоврзуваат и вицепремиерот Артан Груби и министерот за надворешни работи Бухар Османи, кои „апелираат“ да остане на премиерската функција за да не се загрозат евроинтеграциските процеси и државата да не влезе во нови проблеми. Иако ДУИ се огради, но претходно имаше дури и закана од нивен член за повторно облекување на чизмите кои по 2001 година ги чувале на таван.

Меѓутоа од Софија дуваат истите ветришта. Можната нова влада нема намера да остапи од изградените позиции изразени во Декларацијата на Народното собрание на Бугарија во однос на македонското прашање. Ако е така, ако нема изгледи за евроинтеграции во блиска иднина, тогаш која е причината за барањето на ДУИ тој да остане на премиерската позиција, како и размислувањата на Алтернатива за влегувањето во владата на Заев.

Евроинтеграциите на земјата не зависат само од Зоран Заев и тие не можат да бидат загрозени доколку тој замине од премиерската фотеља. Евроинтеграциите на земјата зависат само од вољата на Софија и Брисел, но и од состојбата во целата држава. Едноставно на ЕУ не и е потребна држава во која цвета корупцијата и криминалот. 

Оттука може да се заклучи дека барањето Заев да остане на премиерската функција и неговото одолговлекување е стравот од последиците доколку дојде до смена на власта и на виделина се појави криминалот во редовите на коалиционите партнери СДС и ДУИ.

Исто така, чудно однесувањето на Алтернатива, партијата која до вчера ја критикуваше власта, политиката на ДУИ и заедно со Алијанса, Беса и ВМРО ДПМНЕ бараше предвремени парламентарни избори поради корупцијата и криминалот во коалиционата влада на СДС и ДУИ, а сега договара со Заев учество во власта. Нивното оправдување дека ова го прават заради можноста од почеток за преговори со ЕУ не стои, особено ако Софија порачуваат дека не го менува ставот по однос на евроинтеграцијата на Македонија.

Влегувањето на Алтернатива во Владата само ќе помогне да се продолжи агонијата во земјата, но нема да ги реши евроинтеграциите, ниту пак состојбата на албанската заедница во земјата, за кои што се залагаат. Всушност Алтернатива само му купува време на Зоран Заев, за да ја спреми својата остапница.

Според генералниот секретар на Алијанса за Албанците и градоначалник на Гостивар Арбен таравари доколку Алтернатива влезе во власта, таа Влада нема да трае долго време. Сепак народот не може да ги заборави настаните кои се случија за време на оваа ненародна власт.

Несреќата на автобусот на „Беса Транс“ во Бугарија, претходно во модуларната болница во Тетово и на автобусот кај Ласкарци покажа колку во земјата е распространет јавашлакот и корупцијата. Ако институциите си ја вршеа работата како треба, автобусот на „Беса Транс“ немаше 135 пати да излегувал од земјата со друга лиценца и т.н. 

Тоа е знак дека оваа коалициона власт на СДС и ДУИ предводена од Заев, поради незнаење, неспособност и немање капацитет да се справи со кризните ситуации во земјата, со корупцијата и криминалот, треба да си замине, а не да бара начин како остане на власт.

Имено, во овој момент Македонија треба да се решаваат многу посуштествени проблеми одколку да се троши енергија на спорот со Бугарија. Ако сме изгласале Разолицијата за црвените линии со кои се штитат националните интереси во преговорите до Бугарија, која пак нема ни за педа да се помести од досегашните позиции, тогаш Македонија треба своите сили да ги насочи во борба со пандемијата, економската и енергетската криза.

Челниците на СДС и ДУИ, за да ја избегнат правдата ќе се обидат да останат на власт по секоја цена. За таа цел тие ќе се додворуваат на меѓународната заедница, со тоа што се спремни да тргуваат со националните интереси, да го распродаваат македонскиот идентитет и држава, и покрај Резолуцијата за цврвените линии во преговорите со Бугарија.

Затоа на земјата и требаат што побргу нови парламентарни избори. Ова зло мора да се победи за да државата не доживее уште некоја нова поголема катастрофа.   

 

Историја

News image

Водици или Богојавление

Именден празнуваат: Богдан, (значи даден од Бога) Богдана, Бојан, Богомил (значи мил на Бога) , Јо...

Иселеници

News image

„НАГРАДАТА ЗА ЖИВОТНО ДОСТИГНУВАЊЕ ЗА 2022 ГОДИНА“ НА ОМД ОД ВАШИНГТОН ЗА СЛАВЕ КАТИН

На предлог на претседателот на организацијата „Обединета...

Култура и туризам

News image

ПОЕТСКИ МОЗАИК од поетесата Гордана Димовска како мост за спојување на далечините просторни и бележење на времињата

Поетесата Гордана Димовска својата видлива линија на заинтересирано премостување на далечните прос...

Фељтон

News image

ДЕЛ ОД ПОБЕДИТЕ НА АЛЕКСАНДАР III МАКЕДОНСКИ (ВЕЛИКИ) ВО ИНДИЈА (18)

Стрелците, кои јавале на коњи, први нападнале и речиси веднаш ги онеспособиле бојн...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.