Васил Стерјовски

Во Тирана, излезе во печат учебникот “Научи брзо и лесно македонски” од авторот Валентина Нестор.

Валентина Нестор, Македонка од Мала Преспа е лектор по македонски јазик на универзитетот во Тирана.

Учебникот “Научи брзо и лесно македонски” е наменет за сите млади Македонци  и деца кој што живеат во Голо Брдо и Гора како и во поголемите градови на Албанија и кој немаат можност да го изучуваат македонскиот јазик во образовниот систем на Албанија, бидејки Албанија признава Македонци само во областа Мала Преспа и само тука можи да се изучува македонскиот јазик во училиштата.

Учебникот е поделен на два дела: во првиот дел, кој содржи 25 лекции, се застапени основните јазични особини на македонскиот јазик, со граматички објаснувања на македонски и албански јазик и со достапен превод за новиот користен материал. Во сите лекции се наоѓаат богати дијалози, речник на албански јазик, двојазични граматички објаснувања и вежби кои помагаат за индивидуална работа на корисникот. Овој дел, преставува основа за понатамошно изучување на македонскиот јазик и има за цел да го доведе изучувачот до ниво на коешто самостојно да може да го употреби македонскиот јазик во секојдневните комуникации.

Во вториот дел се наоѓаат материали со добро избрани теми, кои се групирани во 25 тематски целини од сите области на животот со социјална и функционална употреба и со превод на новите изрази на албански јазик. Корисникот наоѓа избилен јазичен и тематски материал, кој му помага не само во изучување на македонскиот јазик, но тој може да се запознае и со македонскта култура и цивилизација.

Со добро изучување на овој учебник, читателот се оспособува за слободен и индивидуален комуникативен пристап.