|
||||
| Две третини од граѓаните се за сочувување на името |
 Две третини од македонските граѓани се за сочувување на името на државата, наспроти влезот на земјата во ЕУ и НАТО, покажуваат резултатите од истражувањето на јавното мислење нарачано од Секретаријатот за европски прашања што во периодот меѓу 3 и 4 јули на репрезентативен примерок од 1.110 испитаници го изработи Институтот за политички истражувања Скопје. На прашањето што е поважно - зачувување на името или влез во ЕУ и НАТО 66,5 проценти од испитаниците се одлучиле за името наспроти 26,2 проценти за влез во евроатлантските структури. Сепак, резултатите драстично се разликуваат според етничката припадност на анкетираните. За 82,1 процент од Македонците името е пред ЕУ и НАТО. Кај албанската етничка популација, пак, 18,1 процент се изјасниле за зачувување на името наспроти 77,8 за влез во ЕУ и НАТО. Запрашани на која област треба да и се посвети поголемо внимание во приближувањето на земјата кон ЕУ, прва на листата е економијата со 46,1 процент, следи судството со 22,3 и безбедноста со 15,1 процент. Во однос на етничката припадност Македонците и Албанците го делат мислењето дека на економијата треба да биде приротет. Вкупно 65,5 проценти од испитаниците изјавиле дека се чувствуват како граѓани на Македонија, 28,5 проценти како граѓани на Македонија и на Европа, а 3,4 проценти како граѓани на Европа. Анкетата е дел од планираните истражувања на јавното мислење во стратегијата за комуникација со јавноста на СЕП. |
